Qısa Zaman Çərçivəsində Bakıda Görüləsi Ən Yaxşı Yerlər
Düzünü desəm, Bakının turistik məkanlarını ovucumun içi kimi tanıyıram.
Şəhərdə nə görmək olar deyə düşünənlərin qarşısında saysız-hesabsız seçim var.
Lakin Bakını ziyarət etmək istəyənlərin bir qisminin vaxtı çox az olur.
Bəlkə siz də şəhərdə cəmi bir neçə gün qalacaqsınız.
Bunu nəzərə alaraq, sizə şəhərin ən gözoxşayan mənzərələrini göstərmək daha faydalı olacaq.
Hansı ki, bu yerləri gəzmək sizin 1 gündən artıq vaxtınızı aparmayacaq.
Çünki seçdiyim yerlər bir-birinə yaxın yerləşir.
Gəlin ən məşhurdan ən az məşhura doğru sıralanmış Bakının ən görməli yerlərinin listinə birlikdə nəzər salaq.
#1. Nizami Küçəsində Alış-Veriş və Yemək
Nizami küçəsi (sakinlər arasında çox vaxt “Torgovaya”) Bakının ən məşhur və ən böyük piyada küçəsidir.
Eyni zamanda Bakının əsas alış-veriş mərkəzi sayılır.
Küçə adını klassik Azərbaycan şairi Nizami Gəncəvidən alıb.
Çoxları deyir ki, bu küçə Parisdəki Champs-Élysées-ə oxşayır, amma mən bu fikirlə razı deyiləm.
Bəlkə də, hər iki küçədə dəbdəbəli mağazaların və mədəniyyət məkanlarının olması insanlara oxşarlıq hissi verir.
Amma mən fərqli düşünürəm.
Məncə, Nizami küçəsi daha çox Barselonadakı La Rambla və ya İstanbuldakı İstiqlal küçəsinə bənzəyir.
Gəlin bu küçədə nə görə və nə edə biləcəyinizə qısaca baxaq:
Yerli və beynəlxalq mağazalarda alış-veriş etmək.
Burada Puma, ZARA və digər məşhur brend mağazalar var.
Memarlıqdan zövq almaq.
Küçədəki binaların əksəriyyəti 19-cu əsrin sonu, 20-ci əsrin əvvəllərinə aiddir.
Burada Barokko və Renessans üslubunu hiss edəcəksiniz.
Yerli restoranlarda ən yaxşı Azərbaycan milli mətbəxinin təamlarını dadmaq.
Eyni zamanda italyan, hind, ərəb və digər mətbəxləri təklif edən zəncir restoran və kafelərini də burada tampak mümkündür.
Cazibədar Fəvvarələr Meydanını görmək.
Canlı performanslar və tədbirləri izləmək (əgər afişalara baxsanız, küçə musiqisi, konsert və ya sərgilərlə bağlı məlumatları görə bilərsiniz).
Əgər yeni il öncəsi Bakını ziyarət etsəniz, şəhərin ən əyləncəli Yeni İl yarmarkasını da burada görəcəksiniz.
Və ən sevdiyim hissə: gecə həyatı. Küçə heç vaxt yatmır - 24/7 canlıdır.
Qısası, Nizami Küçəsi Bakıda gəzməli yerlər içində mütləq görülməyə dəyər yerdir.
Faydalı Məlumat: Fəvvarələr Meydanı bu küçənin tam yaxınlığındadır. Sanki Nizami küçəsinin qəlbinə ox saplanmış kimi ona bitişikdir.
Yəni, vaxtınız azdırsa, buranı ziyarət etməklə bir güllə ilə iki quş vura bilərsiniz.
#2. Bakının ən Qədim Məkanı: İçərişəhəri Kəşf Edin
İçərişəhər Bakının ən çox ziyarət edilən ikinci turistik məkanları sırasındadır.
İçərişəhərin qala qapılarından keçdikdə, dünyanın hər yerindən çoxlu turist görəcəksiniz.
Bura həm də tarixi irsini mükəmməl qoruyub saxlaması ilə tanınır.
Elə buna görə də o, UNESCO-nun Dünya İrsi Siyahısına daxil edilib - dünyadakı digər 1222 abidə ilə birlikdə.
Onun divarları 12-ci əsrdə inşa olunub.
Bəziləri deyir ki, divarlar düşmənlərə qarşı müdafiə məqsədilə tikilib.
Bəziləri isə hesab edir ki, şəhəri Xəzərin sərt küləklərindən qorumaq üçün çəkilib.
Nə üçün tikildiyini dəqiq deyə bilmərəm.
Amma onu deyə bilərəm ki, əgər şəhərdəsinizsə, Bakının görməli yerlər siyahınızda bu yer ilk 3-lükdə olmalıdır.
Gəlin görək burada sizi nə gözləyir.
28 metr (təxminən 92 fut) hündürlüyündə olan Qız Qalası - şəhərin simvollarından biri - buradadır.
Eləcə də, 15-ci əsrdə Şirvanşahlar dinastiyası tərəfindən inşa edilmiş Şirvanşahlar Sarayı da burada yerləşir.
Saraya daxil olan əsas abidələr bunlardır:
Divanxana
Keyqubad Məscidi
Şirvanşahlar türbəsi
Orta əsr hamamı
Seyid Yahya Bakuvi türbəsi
Yəni, sadəcə 2 km radiusda bu qədər şeyi görə bilərsiniz.
Hələ bu son deyil.
Daş döşəməli dar küçələri də insanı valeh edir.
Bu labirintvari küçələr Bakının qədim ruhunu hiss etməyə kömək edir. Piyada gəzintilər üçün ideal yerdir.
Bundan əlavə, burada dədim məscidlərə, karvansaraylara (İpək Yolu üzərində səyyahlar üçün mehmanxanalar) və hamamlara da baxa bilərsiniz.
Və unutmayın - Əgər Miniatür Kitab Muzeyi açıq olarsa, oranı da görmək turunuza əyləncə qatacaq.
Qısaca, təkcə bu ərazi özündə Bakıda gəzməli yerlər siyahısına aid onlarla şeyi birləşdirir.
Əmin olun, mən daha çox şeyi saymadım.
Uzun-uzadı yazıb sizi yormaq istəmirəm.
Əgər vaxtınız varsa, bu fürsəti qaçırmayın.
Gəlin listdəki üçüncü yerə keçək.
#3. Filarmoniya Bağı
İçərişəhərdən Qoşa Qala Qapısından çıxın, təxminən 5-7 dəqiqəlik məsafədə Bakı Filarmoniya Bağına çatacaqsınız.
Sola dönüb İstiqlaliyyət küçəsi boyunca gedin.
Tezliklə Filarmoniya Bağının (digər adı “Qubernator Bağı”) girişini görəcəksiniz.
Bir tərəfi İçərişəhər, digər tərəfi isə dənizlə sərhəddir.
Filarmoniya Bağl ortasında neoklassik fəvvarə olan, qala divarlarının yanında yerləşən çox xoş bir məkandır.
Xüsusilə axşam saatlarında dincəlmək üçün, şəkil çəkmək və romantik gəzinti üçün əla yerdir.
Sevdiyiniz insanla burada vaxt keçirməyi mütləq tövsiyə edirəm.
#4. Azərbaycan Milli Xalça Muzeyi
Filarmoniya Bağından Azərbaycan Xalça Muzeyinə çatmaq çox asandır.
Bu muzey tamamilə Azərbaycan xalçalarına və qədim xalçaçılıq sənətinə həsr olunub.
Sadəcə Mini Venesiya (və ya Kiçik Venesiya) ərazisini keçin, rulon formasında bükülmüş xalça şəklində binanı görəcəksiniz.
Bu binanı italyan memar Francesco dizayn edib.
Xalça Muzeyində 10,000-dən çox antik eksponat var.
Məsələn, Şəki, Quba, Gəncə və Qarabağ xalçaları - xüsusi texnika ilə hazırlanmışdır.
Muzey bazar ertəsi günləri bağlıdır. Gəlişinizi buna uyğun planlamaqda fayda var.
Ətraflı məlumat üçün rəsmi saytına baxa bilərsiniz.
Mən orda olanda, muzeyin 3-cü mərtəbəsi təmir səbəbilə müvəqqəti bağlı idi.
Ona görə, getməzdən əvvəl rəsmi saytı yoxlamağınızı tövsiyə edirəm.
#5. Baku Bulvarında Rahatlayın
Siyahıdakı son yer Bakı Bulvarıdır.
Çox sakit və xoş mühit təqdim edən bu yer uzun gündən sonra nəfəs almaq üçün ideal məkandır.
Ona görə də Bakıda ziyarət edilməli yerlər sırasında bu məkanı sonuncu olaraq qeyd etmək istədim.
Bakı bulvarı Xəzər dənizi boyunca 3.75 km (təxminən 2.3 mil) uzanır. Amma bu son deyil.
Son illərdə Ağ şəhər bulvarı Azadlıq Meydanından 2 km daha uzadılıb, və gələcəkdə 26 km-ə qədər çatacağı planlaşdırılır.
Bu sahildə gəzmək üçün mükəmməl bir yerdir.
Hətta səhər idmanı üçün Bakının ən yaxşı yeridir.
Kilometrlərlə Xəzər sahili boyunca qaça bilərsiniz.
Təkcə idman üçün yox, təbii kiş. Burada onlarca daha Bakı attraksionu da var.
Məsələn, Bakı Şeytan Çarxı - 30 kabinəsi və təxminən 60 metr hündürlüyü ilə Xəzər dənizinə və şəhərin səmasına gözəl görüntü təqdim edir.
Əgər panoramik mənzərinin dadını çıxarmaq istəyirsinizsə, sadəcə Şeytan Çarxına minib bu mənzərəni izləyə bilərsiniz.
Bakıda Vaxtınızı Gözəl Keçirin
Ümid edirəm ki, sizə Bakıda gəzməli yerlər haqqında qısa, ancaq faydalı məlumat verə bildim.
Və söz verdiyim kimi, burada Google Xəritədə marşrutları ilə işarələnmiş bütün yerlərin siyahısı yerləşir.
Həm də, yazıda gəzinti planınızı asanlaşdırmaq üçün ən yaxşı yolları da əlavə etdim.
Əgər hər hansı bir sualınız olarsa, şərhlərdə soruşmaqdan çəkinməyin.
Xoş istirahətlər!
Leave a Comment